News Photo

Təhsilin ulduzu müsabiqəsi

TƏHSİLİN ULDUZU MÜSABİQƏSİ

Fənləri inteqrasiya et

Azərbaycan Respublikasının Təhsil İnstitutu, Dağlıq Şirvan Regional Təhsil İdarəsi və T-Network təhsil işçilərinin təcrübə və kommunikasiya platformasının təşkilatçılığı, Elm və Təhsil Nazirliyi yanında Təhsilin İnkişafı Fondunun dəstəyi ilə “Təhsilin Ulduzu” müsabiqəsi keçiriləcək. Məqsəd müəllimlərin tədris prosesindəki fərqli və yaradıcı yanaşmalarını aşkara çıxarmaq, müəllimlərin əməkdaşlığını və fənlərarası inteqrasiyanı inkişaf etdirmək, diqqətəlayiq təcrübələri yaymaqdır.

Müsabiqənin şərtləri:

Müsabiqədə dövlət ümumtəhsil müəssisələrində çalışan və yalnız müxtəlif fənləri tədris edən 2 həmkar birlikdə dərs təqdim etməlidirlər. Eyni fənni tədris edən, eyni şəhər və ya rayonda çalışan müəllimlər birlikdə dərs təqdim edə bilməzlər. 2 müəllimdən hər birinin müxtəlif şəhər və rayonlarda çalışıması tələb edilir. (Məsələn, Bakıdakı müəllimlə Qubadakı müəllim birlikdə dərs keçməlidirlər. Yaxud Ucar ilə Xaçmaz, Balakən ilə Yardımlı, Gəncə ilə Sumqayıt müəllimləri dərs təqdim edə bilərlər və s. Buradakı adlar şərti xarakter daşıyır). Təqdim edilən dərslər fənlərarası inteqrasiyaya uyğun olmalıdır. Sinfi və mövzunu seçmək sərbəstdir.

Müsabiqə aşağıdakı mərhələlərdən ibarətdir:

1. Onlayn müraciət (Bir dərs planı təqdim edilməlidir. Müraciətlər 1 dekabr 2022-ci il tarixinə qədər olmalıdır. Komanda yoldaşlarından birinin müraciət etməsi kifayətdir.)

2. Dərsin onlayn təqdimatı (Müraciətlər arasında seçilən 32 komandanın T-Network Facebook səhifəsi üzərindən 30 dəqiqəlik canlı dərsləri təqdim ediləcək. Dərslər hər həftənin çərşənbə axşamı və şənbə günü saat 19.00-da yayımlanacaq. Dərslərin 2023-cü ilin yanvar ayından nümayiş etdirilməsi nəzərdə tutulub.

3. Üzbəüz canlı dərslər (Final mərhələsində Münsiflər Heyəti tərəfindən seçilən 10 dərsin müəllimi üzbəüz canlı dərs təqdimatı edəcəklər. Final mərhələsinin tarixi açıqlanacaq.)

Qalibə Fəxri Fərman, Təhsilin Ulduzu kuboku və hədiyələr təqdim ediləcək.

Təqdim olunacaq dərslərin qiymətləndirilmə meyarları aşağıdakı kimidir və hər bir meyar 5 bal üzərindən qiymətləndirilir. Facebook üzərindən ən çox bəyənilən 1 çıxışa bonus 5 bal veriləcək.

1.    Altstandart(lar)

2.    Təlim nəticəsi

3.    Öyrədici fəaliyyətlər

4.    Formativ qiymətləndirmə 

5.    Şagirdlərin dərsə cəlbolunması (dərsin əvvəlində və dərs boyu) 

6.    Dərsdə diferensial yanaşma

7.    Ünsiyyət zamanı konstruktiv əks-əlaqə (həm təlim nəticələri, həm ünsiyyətlə bağlı) 

8.    Sinifdə öyrənmə və öyrətmə mühitinin qurulması

9.    Şagirdyönümlü təlim

10.         Şagirdlərdə yumşaq bacarıqların formalaşdırılması

11.         Məqsədəuyğun fənlərarası, fəndaxili və fənüstü inteqrasiya

12.         Müəllimin dərsə yaradıcı yanaşması

 

Müsabiqədə iştirak üçün keçid: https://forms.gle/4HnYCpHZP3G6JATk7

 

BU XƏBƏRİ PAYLAŞ

Şərh

TƏHSİLƏ DAHA YAXIN OLMAQ ÜÇÜN BİZİ İZLƏYİN!