“Direktorlar klubu”nun “Kitabla
danış” təqdimat və müzakirələri çərçivəsində növbəti tədbiri baş tutacaq.
Dekabrın 13-ü saat 19.00-da təşkil ediləcək təqdimat “Harvard Bussines review”
nəşrinin "oxunmalı 10-luq" seriyasından “Liderlik” kitabına həsr
olunacaq.
Kitabı Bakı şəhəri üzrə 279
nömrəli tam orta məktəbin direktoru Südabə Abdullayeva təqdim edəcək.
Xatırladaq ki, “Kitabla
danış” təqdimatlarının məqsədi məktəb direktorlarının tövsiyə etdikləri
kitabları klubun digər üzvlərinə təqdim etməsi və birlikdə müzakirələrin təşkil
edilməsidir. Belə ki, hər dəfə bir məktəb direktoru pedaqoji və idarəetmə
fəaliyyətinə xüsusi töhfə verən bir kitabı həmkarları ilə bölüşür.
"Direktorlar klubu" Təhsil Nazirliyinin dəstəyi, T-network təhsil
işçilərinin təcrübə və kommunikasiya platforması, Təhsil İdarəçiləri
Assosiasiyasının təşkilatçılığı və Kapital Bankın baş sponsorluğu ilə
yaradılıb.
BU XƏBƏRİ PAYLAŞ